Madrıdtik "Realdyń" shabýylshysy Krıshtıaný Ronaldý Barselonaǵa qarsy ótken Ispanıa sýperkýbogynda tóreshini ıterip jibergeni úshin uzaq merzimdi jaza alýy múmkin dep habarlaıdy Qamshy.kz aqparat agenttigi life.ru-ǵa silteme jasaı otyryp.
82 mınýtta Krıshtıaný Ronaldý oıyndaǵy ekinshi sary qaǵazyn alyp, alańnan qýylǵan bolatyn. Portýgaldyq shabýylshy oıynǵa ekinshi taımda qosylǵan edi.
Kezdesýdiń bas tóreshisi Rıkardo Bengoechea Ronaldýdyń alańnan ketip bara jatyp, tóreshini ıterip jibergenin oıynnyń resmı hattamasyna qosyp qoıdy.
Ispanıa fýtbol federasıasynyń erejesi boıynsha, mundaı qylyǵy úshin fýtbolshy tórt oıynnan 12 oıynǵa deıin shettetilýi múmkin.
Eske sala keteıik, Ispanıa sýperkýbogynyń birinshi oıynynda «Real» Kamp Noýda «Barselonadan» basym túsken bolatyn.
